Oppslutninga ved stortingsval har alltid vore høgare i høve til lokalval. Ved stortingsvalet i 2005 var valdeltakinga på 77,4 prosent, og det var høgare enn i 2001. Samstundes har berre tre stortingsval etter den andre verdskrigen hatt lågare valdeltaking.

Noreg ligg óg under dei fleste nordiske landa i valdeltaking. Ved siste parlamentsval låg Island på 87,7 prosent, Danmark på 84,5 og Sverige på 80,2. Berre Finland ligg under Noreg med 66,7 prosent.

Folkerøystingar har historisk hatt høgare tilslutning enn stortingsval, med ein rekord på 89 prosent i 1994 da Noreg stemte nei til EU-medlemskap. Valdeltakinga ved kommunestyrevala har vore jamt dalande sidan byrjinga på 1960-åra, med unntak av ein liten auke i 1979 og no sist i 2007. Ved fylkestingsvala har deltakinga minka ved kvart einaste val sidan 1975.

Valdagen ved stortingsvalet og sametingsvalet 2009 vart i statsråd den 18. april 2008 fastsett til mondag 14. september 2009.

Kommunar som ønskjer det kan og halde val sundag 13. september.



Her finn du nokre nyttige lenker med meir informasjon om Val 2009:

Val 2009 (Kommunal- og regionaldepartementet)

Val Rogaland (Fylkesmannen i Rogaland)

Vallova (LOVDATA)

Valforskriften (LOVDATA)

Val 2009 (Rogaland fylkeskommune)

Val (SSB)


Du vil finne meir informasjon under Val 2009 i venstremeyen etterkvart som valdatoen nærmar seg.

Kjelde: SSB