Vaksine mot Svineinfluensa - Influensa A (H1N1) starta for risikogrupper i veke 44/2009.    Forsand kommune har gitt eit tilbod om vaksine mot influensa til heile befolkninga frå veke 50/2009.

Heile befolkninga blir anbefalt å ta vaksine, unnateke gravide som er i dei 12 første vekene av svangerskapet og barn under 6 månader. Målet er at flest mogleg er vaksinert, slik at vi står betre rusta når ei ny influensabølgje startar i vinter/vår 2010. 

Legekontoret tilbyr vaksine mot Influensa A(H1N1) til dei som enda ikkje er vaksinert.  Det blir framleis anbefalt  at folk lar seg vaksinera.

Vaksinering mot influensa A(H1N1) for alle innbyggjarar i Forsand kommune har starta.   Forsand Legekontor har ny vaksineringsdag på måndag den 14. desember og tydag den 15. desember på følgjande tidspunkt: 

• Kl 13.00 til 15.00
• elles etter avtale

Videre vaksinering med Pandemrix mot influensa A(H1N1) på Forsand. Skjer på følgjande måte.

Folkehelseinstituttet har no kome med nye anbefalingar når det gjeld sjukefråvær ved influensa.  Tidlegare har dei sagt at personar med influensa skal halde seg heime i 7 dagar etter at dei har blitt sjuke (sjølv om dei er symptomfrie etter eks. 4 dagar).  Fhi. har no gjort ei ny vurdering av dette med bakgrunn i at store delar av risikogruppene er vaksinert.   Den nye anbefalinga er difor at:

Vaksinasjon av friske barn i barnehagen og i småskulen opp til 12 år, dvs. elevar i første t.o.m. 6. klasse vil foregå på onsdag den 18.11. og torsdag den 19.11. evt. og på fredag.  (Barn frå 6 mnd. til 3 år har allereie fått tilbod om vaksine.)  Helsesyster vaksinerer skulebarn på skulen, mindre barn får tilbod om vaksine på legekontoret..

Barn i barnehage og skule har fått brev om vaksinasjon med seg heim.  Foreldre/føresette må skrive under på eit skjema om deira barn skal få vaksine, eller ikkje.  I tillegg må dei fylle ut vaksinasjonskort.  Pris for vaksinasjon i regi av helsesyster på skulen er kr 100,- totalt pr. barn.  (Barn opp til 9 år får 1/2 dose x 2).  Ingen skal betale meir enn kr 100,- pr. barn, for vaksinasjonen som foregår i skulen, uavhengig av antall doser.

Vaksinasjon av små barn opp til 6 år vil skje på legekontoret onsdag den 18.11. og torsdag den 19.11.09 mellom kl. 13 og 1430.

Legekontoret har sendt melding om at dei har 40 vaksinedosar igjen etter at alle i riskogruppa er vaksinert.  Det vil difor bli gitt tilbod til friske born mellom 6 mnd. og 3 år (4år).  Legekontoret ringer til dei aktuelle familiane i desse årskulla.  I tillegg vil barnehagen informere når foreldra henter barna sine i dag.  Det er viktig at inntil 20 barn stiller opp i dag, då ei vaksineflase er opna, og må bli brukt opp i løpet av dagen. 

Dei resterande barna (6 mnd. 4 år)  kan bli vaksinert på måndag 16. november kl 1300 til kl 1430. 

Forsandheimen:  SJUKEPLEIAR PÅ FORSANDHEIMEN har etter delegasjon frå kommunelegen, fullmakt til å UTLEVERE TAMIFLU til Forsand sine innbyggjarar som har influensasymptom, eller til personar i risikogruppa som ikkje er vaksinert, og som er i nærkontakt med influensasjuke.   Denne ordninga gjeld på ettermiddags- og kveldstid når apotek og legekontoret har stengt.  PÅ KVARDAGAR MELLOM KL. 18 OG 22.  LAURDAG FRÅ KL 15 TIL 22 OG SØNDAG MELLOM KL 08 OG 22.   

Smittevernlege Anja Ammicht har etter rådføring med fylkeslegen, starta med vaksinasjon av friske personar som er pårørande til "ikkje-vaksinerte" personar i risikogruppa.  Dette gjeld m.a. pårørande til spedbarn mellom 0 og 6 mnd., pårørande til gravide i første trimester (1 til 12 veker) og andre som av medisinske årsaker ikkje kan bli vaksinert. 

Smittevernlegen vil framleis oppmoda innbyggjarar med influensasymptom om å starte med Tamiflu innan 12 timar og seinast innan 48 timar etter symptomstart.   Symptom kan være følgjande:  (klikk på lenka).  Ved nærkontakt med influensasjuke (H1N1) må ein rekna med smitte hos ca 50 %, og sjukdomsutbrot innan 2-3 dagar.

(Infeksjonslegar reknar med at vaksinerte er beskytta/delbeskytta 14 dagar etter første vaksinering.)

Frå Forsand legekontor har vi fått melding om at ein pasient er innlagt på univ.sjukehuset i Stavanger med "svineinfluensa".  I tillegg har personen lungebetennelse og hjernehinnebetennelse.  Legekontoret opplys at det  ikkje dreier seg om smittsam hjernehinnebetennelse.

Personen som er smitta med influensa A H1N1, har avvikla ferie dei siste 10 dagane, og har difor ikkje vore i arbeid på det tidspunktet som vedkomande blei sjuk.  I lenka nedanfor kan du lese meir om råd i høve til å unngå smitte.

Det nye H1N1 influensa-viruset spreier seg raskt i Norge, og talet på sjuke er aukande.  Ved Forsand legekontor er det pr. 06.11, ikkje registrert pasientar med ny influensa A H1N1.  (Fleire er imidlertid rådd til å halde seg heime i 7 dagar.)  Helsestyresmaktene har innført ei mellombels ordning om å frigjere tidlegare reseptpliktige medisinar mot influensa, dvs. Tamiflu eller Relenza, slik at folk no kan kjøpe desse på apoteket utan resept.  Du må då fylle ut ein eigenerklæring som du finn i lenka nederst i denne artikkelen.  Apoteket på Jørpeland har ope frå kl 0900 til kl 1700, laurdag frå kl 0900 til kl 1400. 

Legekontoret v/ Anja Ammicht opplyser at det fortsatt er ca 100 "pasientar" i risikogruppa som ikkje er vaksinert.  Desse må kome på legekontoret på måndag, eller ringe og AVTALE EIT ANNA TIDSPUNKT, dersom dei ikkje kan møte opp på måndag.   

Restlager av vaksiner vil deretter bli overført til Strand kommune, som ikkje har nok vaksinar til å dekke behovet i risikogruppa for sine innbyggjarar.  Forsand kommune vil ikkje få nye vaksinar før resten av landet har fått nok vaksinar til å dekke definerte risikogrupper.  Det kan difor gå minst 2 veker før desse gruppene er vaksinert. 

Klikk her for: Pandemiplan 2009-2001

Folkehelseinstituttet har opplyst at dei to meldte tilfella i Norge er smitta i utlandet, ikkje i Norge. Dei næraste vekene reknar dei med at det vil kome fleire slike einskildtilfelle hos personar som er smitta i utlandet. Etterkvart vil vi også få smitte mellom mennesker i Norge. Tiltaka no tek sikte på å forseinke spreiinga i landet.

Influensa A ( H1N1)
I Forsand kommune følgjer vi nøye utviklinga når det gjeld utbrot av influensa A (H1N1) som tidlegare er kalt svineinfluensa.  Situasjonen ser ikkje ut til å bli så dramatisk som dei første meldingane i slutten av april skulle tilsei.  Kriseleiinga i kommunen har likevel hatt ein gjennomgang av beredskapsplanane, inkl. smittevernplanen, og er i ferd med å oppdatere pandemiplanen. 

Kommunen har og hatt jamnleg kontakt med fylkesmannen si beredskapsgruppe og følgjer dei råd som kjem frå sentrale myndigheter, som f.eks. helsedirektoratet, fylkesmannen og fylkeslegen.  Smittevernlegen i Forsand er legekontoret v/ Anja Ammicht. 

Smittevernlegen vil oppfordre alle innbyggjarar til å vere ekstra flinke med handhygienen, for å redusere smitte og sjukdom hos seg sjølv og andre.  Dette er eit generelt råd som både kan ha effekt ved eit evt. utbrot av ein pandemi, men også andre smittsomme sjukdommar som vi blir utsett for kvart år. 

For meir informasjon om utviklinga, kan du sjølv gå inn på nettstedet www.pandemi.no og/eller www.fhi.no