Grensejustering
Generelt om tjenesten
Beskrivelse
Ei grensejustering vil seie at det kan overførast mindre område mellom to eller fleire matrikkeleiningar (eigedommar) som har felles grense. For overføring av større område, sjå arealoverføring. Ei grensejustering krev at ein held ei oppmålingsforretning der grensene for dei aktuelle matrikkeleiningane blir klarlagde og beskrivne. Grensejustering kan ikkje nyttast ved godkjend deling av eigedom etter plan- og bygningslova.
Målgruppe
Personar som kan krevje grensejustering (rekvirentar), er mellom anna grunneigarar (sjå òg matrikkellova § 9).
Kriterier/vilkår
Arealet for dei involverte matrikkeleiningane kan aukast eller reduserast med inntil 5 % målt mot den minste matrikkeleininga, men maksimalt 500 kvadratmeter. For anleggseigedom gjeld spesielt at volumet kan aukast eller reduserast med maksimalt 1000 kubikkmeter. Uansett kan ei matrikkeleining likevel ikkje avgje meir enn 20 % av det som var arealet før justeringa. Verdien på matrikkeleininga kan ikkje reduserast med meir enn 1 G (G = grunnbeløp i folketrygda).
Grensejusteringa må ikkje vere i strid med konsesjonslova, jordlova § 12 eller rettsleg bindande planar etter plan- og bygningslova.
Pris for tjenesten
Kommunestyret fastset storleiken på gebyret. Gebyret kan ikkje setjast høgare enn det som kjem fram av sjølvkostprinsippet.
Gebyr fastsett i kommunestyret desember 2009
Partnere
Firmaet Rycon AS utfører oppmålingstenester for Forsand kommune i dag.
Serviceerklæring
Regelverk
Lover
Lov om behandlingsmåten i forvaltningssaker (forvaltningsloven)Lov om eigedomsregistrering (matrikkellova) § 16 Grensejustering
Lov om eigedomsregistrering (matrikkellova) § 9 Kven som kan krevje matrikkelføring av ny matrikkeleining o.a.
Lov om jord (jordlova) § 12 Deling
Forskrifter
Forskrift om eiendomsregistrering (matrikkelforskriften) § 34 GrensejusteringPraktisk informasjon
Veiledning - hvordan få utført eller motta tjenesten
Krav (rekvisisjon) om grensejustering skal skje skriftleg. Sjå nedanfor kva for vedlegg som skal følgje med.
Søknad om grensejustering, situasjonskart og naboliste
Skjema
Sjå Rekvisisjon for oppmålingsforretning under Blankettar.
Vedlegg
- Skriftleg samtykke frå registrerte grunneigarar og registrerte festarar som grensejusteringa har noko å seie for
- Arealrekneskap for involverte eigedommar og overførte areal, og eventuelt tidlegare grensejusteringar
- Dokument frå kommunen som viser at grensejusteringa ikkje fører til deling av driftseining (jf. jordlova)
- Pårekna verdi for involverte eigedommar
Søknaden sendes til
Forsand kommune
Servicetorget
4110 FORSAND
eller:
post@forsand.kommune.no
Saksbehandling
Kommunen innhentar nødvendige opplysningar og gjennomfører oppmålingsforretning med grensejustering. Det blir utferda eit matrikkelbrev som sendast til rekvirenten.
Saksbehandlingstid
Når krav om grensejustering er motteke, skal kommunen ferdigbehandle saka (medrekna å fullføre matrikkelføringa) innan 16 veker dersom ikkje annan frist er avtalt.
Klagemulighet
Klagefristen er tre veker og går frå det tidspunktet du har motteke matrikkelbrevet eller melding om føringa i matrikkelen. Både heimelshavarar, eigarar og festarar som avgjerda har noko å seie for, kan klage på grensejusteringa. Du sender klagen til kommunen, som òg kan gje rettleiing. Dersom kommunen lar avgjerda stå, blir saka sendt vidare til Fylkesmannen, som avgjer om klagen skal takast til følgje.
Kontaktinformasjon
Kontaktavdeling
- Avdeling:
- Teknisk - administrasjon
- Telefon:
- 51700000
- Epost:
- post@forsand.kommune.no
- Besøksadresse:
- Kommunehuset 4110 FORSAND
Ansvarlig enhet
- Avdeling:
- Teknisk - administrasjon
- Telefon:
- 51700000
- Epost:
- post@forsand.kommune.no
- Besøksadresse:
- Kommunehuset 4110 FORSAND
Andre opplysninger
- Oppdatert:
- 2012-03-06 08:54
- Gyldig fra
- 2010-05-04
- Gyldig til
- 2013-05-06